L’Eden
Quela buciuna blö iscì visina e stralüsenta
la scigula e slita via a gran velocità:
inturn al sul e ’n tra li steli.
Tacada, an temp luntan, da fii ca vedum miga,
fort e trasparent, la tira drö muntagni,
planüri, al mar e anca ’l desert.
Plü che viva: la cumbat, la sa ribela, la starnüda, la ciapa febra.
L’è ’l gran disegn ca ’l sa ripet in tüt al ciel
e ’n quel plü piscinin, cu’i om sü’n da la tera:
tüt quel ca pulza, nass, cress e pö ca mor.
La forza ca la möf tütt, le n’intresciada
da amur, atraziun, bösögn, e ’l mai ga n’avè abott,
e, da padrun dal mond ca pensum d’es,
anvelenum, sporcum e ferisum
la generusa e cara nosa cà.
Guai a fa nogott par quii ca ma vegn drö,
anca sa lur i cuntinuaran a usà, plancc e ma maledì,
l’Eden, par la segonda volta, al risc’cia da finì!
alRobe
Il componimento ha ricevuto uno dei premi speciali, fra le poesie grigionitaliane, nell'ambito del concorso dialettale 2018 organizzato da Comune di Sondalo e dal Centro studi storici Alta Valtellina, con la seguente motivazione: “Per l’uso del dialetto nell’ambito di un argomento filosofico e scientifico evidenziando così un’attuale problematica ecologica”.
